منتدى ثناوية بلحرش البشير
برامج برنامج تحميل حمل تنزيل الثقافة العرب العربية تونس أفلام افلام فلم فيلم
اغنية أغنية اغاني أغاني ملتزم ثوري طرب طربي.

منتدى ثناوية بلحرش البشير

منتدى ثناوية بلحرش البشير
 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 جمــــيع ╣۩مصطفــــى(قصة حــــب) حسنــــي ۩╠حلقــــات

اذهب الى الأسفل 
كاتب الموضوعرسالة
Admin
Admin


عدد المساهمات : 213
تاريخ التسجيل : 03/09/2009

مُساهمةموضوع: جمــــيع ╣۩مصطفــــى(قصة حــــب) حسنــــي ۩╠حلقــــات   السبت سبتمبر 26, 2009 8:23 am

السلام عليكم ورحمة الله وبركاته


تقبل الله صيامكم



هنا سيتم ان شاء الله تجميع حلقات برنامج

"قصة حب"

للداعية مصطفى حسنى

قصة حب مختلفة يعيشها الداعية الإسلامي الشاب مصطفى حسني

خلال هذا الشهر المبارك على شاشة قناة اقرأ،

حيث يقدم برنامجه بنظرة مختلفة لسيرة النبي عليه الصلاة والسلام

من خلال قصة الحب التي جمعته مع رب العالمين،

والتي جمعتنا به صلى الله عليه وسلم، وجمعت كل المخلوقات .


الحلقة
عنوان وقانون الحلقة
مضمون الحلقة
رابط التحميل

اليوم الاول
مقدمة عن الحب:

حيث يوجد الحب توجد السعادة
نص الحلقة الاولى






الحمد لله رب العالمين والصلاة والسلام على رسول الله صلى الله عليه وسلم . {ربِّ اشرح لي صدري ويسر لي أمري واحلل عقدة من لساني يفقهوا قولي}
أهلاً وسهلاً بيكم وأول حلقة من برنامجنا قصة حب فكل سنة وانتوا طيبين ورمضان كريم على المسلمين كلهم في كل أنحاء الدنيا
وأتمنى يكون دا أحلى رمضان يعدي علينا في حياتنا وتبقى بداية علاقة جديدة مع ربنا سبحانه وتعالى
يمكن يكون الكل يا جماعة بيحلم مع بداية رمضان بإيه الهدية اللي ربنا سبحانه وتعالى
حيبعتهاله مع رمضان شهر الخير والكرم عبادة جديدة أو خير في قلبه يبدأ ينشره على نفسه
وعلى اللي حواليه ولكن بيجي تساؤل في نهاية شهر رمضان يا ترى الهدية اللي رمضان جابهالي معاه حاثبت عليها بعد رمضان
ولا ها كون حسيت بالمشاعر الحلوة دي سواء تجاه نفسي أو تجاه ربي أو تجاه اللي حواليه سعادة رمضان الجميلة يا ترى حتنتهي بعد رمضان؟
علشان كدا ياجماعة إحنا السنة دي في رمضان مش حنتعلم مع بعض عبادة وإنما حنتعلم مع بعض حاجة هيا أصل كل عبادة
حنتعلم قيمة ومعنى مش نعيش بس بيه رمضان لكن نعيش بيه رمضان ونعيش بيه كل حياتنا مع ربنا سبحانه وتعالى ومع نبينا صلى الله عليه وسلم
ومع نفسنا ومع كل اللي حوالينا إحنا السنة دي حنتكلم على أصل كل خير حنتكلم على الحب الكل نفسه يحس إنه قريب من ربنا
وإن ربنا راضي عنه الكل نفسه إن هوا يبقى جنب النبي في الدنيا صلى الله عليه وسلم
وفي اليوم اللي حيظهر فيه فعلا مقام النبي صلى الله عليه وسلم على العالمين وعند رب العالمين في القيامة يا سعده ويا هناه اللي حيوقف جنبه النبي يوم القيامة
وحيوقف النبي يوم القيامة جنب اللي بيحبوه وبيحبهم وهوا اللي وعدنا أنت مع من أحببت يمكن في البيت كل أب وكل أم
بيتمنى إن عيالهم يحبوهم ويفضلوا قعدتهم واللمة الحلوة على الفطار والغدا والعشا على أي قعدة تانية
ولا يمكن نتلم في البيوت ويرجع الدفء اللي في البيوت إلا بالحب، كل ست بتحلم إن جوزها أول ما ينزل الشغل وهوا بيركب العربية
بعتلها رسالة يقولها وحشتيني أنا مفتقدك وأنا حتى نازل على السلم ستات كتير بتشتكي إن اجوازها مش بيسألوا عليهم طول اليوم
ورجالة كتير كمان نفسها إنه يحس إن مراته بتبذل مجهود إنها دايماً بتبقى طيبة معاه ومتجددة ونفسها تبقى دايماً حلوة في عنيه
ولا يمكن هيا تبقى كدا ولا هوا يبقى كدا إلا لو الحب مالي قلوبهم كل شيء ربنا خلقه حوالينا عشان بسعدنا من مقتنياتنا والنعم
اللي حوالينا عمري من غير ما أحب الحاجات دي ما حأحس بالرضا ولا حأحس إن دا كتير عليا مفيش حياة ولا سعادة
حتيجي في كل حاجة مع كل حد في حياتنا إلا بالحب الحب هوا أساس كل شيء ومرتبط بكل شيء وكل حد حوالينا
ولو بدأنا قصة الحب من الأول حتبدأ بإن ربنا سبحانه وتعالى حب إن إحنا نعرفه وإن إحنا نعبده
فلما أحب أراد أنه يوجد من يحبه ويعرفه فأوجدنا فهم قالوا "أحب، فأراد، فأوجد" فإحنا جينا بالحب
وهو اللي أراد إنه إحنا نعرفه ونعبده سبحانه وتعالى الحب لو كان موجود بينك وبين أي حد حيوجدك
في حياته ولو الحب مش موجود بينك وبين أي حد حيبعدك عن حياته فالحب بينقلنا
من العدم في حياة الناس للوجود هو أصل كل خير بينا وبين أي حاجة وبينا وبين أي حد وقاعدة من قواعد قصة حب
إنه حيث يوجد الحب توجد السعادة اللي كل العالم بيدور عليها حتلاقي الحب بينك وبين أي حد وبينك وبين أي حاجة
حتلاقي معاه السعادة وأول ما حيختفي الحب حتختفي معاه كل المشاعر اللي تخليك تشوف الدنيا أو تشوف الناس أو حتى تشوف نفسك بعين الجمال وعين السعادة ..






قد إيه الواحد نظرته بتتغير لما علاقة الحب بتيجي بينه وبين أي حاجة الصورة دي محتاجة تدقيق شوية دي
اللي قدرنا نحصل عليها الصورة دي لو عملنا زووم دا يا جماعة عبارة عن قماش حرير والأسود اللي جوا دا دي فتحة راس جلابية ودي جلابية من فوق كدا ..
جلابية مقطعة أقولكم حاجة إنت لا تحمل أي مشاعر تجاه التوب اللي ممكن يكون من الخيش أو الكتان المقطع دا هوا ملفوف في حرير عشان دي جلابية النبي...!
صلى الله عليه وسلم التوب الأسود دا توب النبي صلى الله عليه وسلم هما لافينه في حرير عشان يحافظوا عليه إيه اللي حصل بينك وبين الثوب الكتاني القديم؟..
انت عايزني أطلع الصورة تاني عايز تشوفها وما تنزلش عينك من عليها دي جلابية سيدنا محمد صلى الله عليه وسلم بيني وبينك يا توب ياللي شكلك
ممكن يكون قديم شويه أو مقطوع شويه بيني وبينك حبيبي فأنا حبيت حبيبي والحب بيولد حب فحبيت كل حاجة تخص
حبيبي صلى الله عليه وآله وسلم ودا اللي كان مالي قلب النبي صلى الله عليه وسلم كان بيحب كل حاجة
تخص حبيبه ربه سبحانه وتعالى فلما حب ربنا وربنا حبه بدأت قصة الحب الأول من رب العالمين لحبيبه قبل ما يخلق الدنيا
وحنتكلم طول الشهر في الموضوع دا حبه ربنا سبحانه وتعالى فلما حبه النبي اتملى بالحب دا فحب ربنا وحب كل شيء يفكره
بربنا والنبي صلى الله عليه وسلم كان بيشوف ربنا بقلبه في كل حاجة وفي كل مخلوق بيفكره بيه فحب ربنا
وحب كل مخلوقات ربنا سبحانه وتعالى جل في علاه ففي كل يوم في قصة حب حنتكلم عن حب ربنا سبحانه وتعالى للنبي
وإزاي ربنا سبحانه وتعالى أظهر حبه للنبي صلى الله عليه وسلم فلما النبي اتملى قلبه بحب رب العالمين
أفاض على كل المخلوقات اللي حواليه مش بس كل الناس على كل المخلوقات اللي حواليه صلى الله عليه وسلم بالحب كان حواليه زوجاته ..
كان حواليه أصحابه .. كان حواليه من أصحابه الطائعين ومنهم العصاة كان حواليه اللي مخالفينه في العقيدة من الكفار..
كان حواليه اللي مخالفينه من الكفار اللي كانوا بيحاربوه صلى الله عليه وسلم كان حواليه جمادات وشجر وجمادات حواليه
كان حواليه خدم وناس فقراء زي كل واحد فينا مش عايش في الدنيا لوحده لكن سيدنا محمد لما قلبه اتملى بحب رب العالمين عاش قصة حب مع كل شيء حواليه .






قصة الحب اللي بدأت من رب العالمين سبحانه وتعالى لسيدنا محمد بيحبه لدرجة إنه حلف له
قال له بربك يا محمد ما حاعتبرهم مؤمنين إلا لما يدخلوك في كل تفاصيل حياتهم ولما تقولهم يعملوا حاجة ياخدوها باستسلام
{فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا}
إنت يا محمد يا حبيبي مقياس إيمان الدنيا كلها صلى الله عليه وسلم الحب دا أخذه النبي صلى الله عليه وسلم ونشره على العالمين الحب اللي
لما النبي صلى الله عليه وسلم قال للصحابة عن الجنة وحكالهم وقال لهم إن فيها نعيم نفسي سكينة وهدوء طمأنينة
وحتى نعيم بدني لشهواتكم أكل وشرب وكل شهوة اتخلقت جوا الإنسان بطريقة ما خطرت على قلب بشر وقالهم إن كلكم حتدخلوا الجنة
{لا يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ } قبل فتح مكة درجة من الصحابة عالية {أُوْلَئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا}
ولكن مبروك {وَكُلًّا وَعَدَ اللَّهُ الْحُسْنَى} على مختلف درجاتكم يا أصحابي كلكم حتدخلوا الجنة اللي فيها "ولا خطر على قلب بشر"
من حبه فيهم ردوا له الحب وقالوا له يا حبيبنا يا رسول الله اللي بجد ما يخطرش في بالنا إن إحنا نخش الجنة في حتة ما نكنش فيها معاك يا رسول الله
"إن الرجل يحب القوم ولما يحشر معهم" في واحد إحنا بنحبه وخايفين ما نبقاش معاه يوم الحشر يوم القيامة فهمها النبي صلى الله عليه وسلم
وقالهم ما تخافوش الحب حيجمع بينا "أنت مع من أحببت" صلى الله عليه وسلم الحب اللي اتملى بيه قلبه من ربه حبيبه لأمته
اللي لما ربنا سبحانه وتعالى قال يا محمد انا حديك وحأعطيك لغاية ما ارضيك {وَلَسَوْفَ يُعْطِيكَ رَبُّكَ فَتَرْضَى}
قالوا يا ربي رضايا ان تكون امتي كلها معايا في الجنة كما قال القرطبي في التفسير
يا ربي لا ارضى واحد من امتي في النار الحب اللي خلا النبي صلى الله عليه وسلم يختار
ان يعيش صلى الله عليه وسلم ان يعيش عيشه بسيطة مع انه قال في صحيح مسلم اوتيت من خزائن الارض
فجعلت في يدي خزائن الارض كلها مفاتيحها في ايديا بس اختار ان يعيش عيشه بسيطة عشان ما يكسرش بقلوب
الغلابة لدرجة ان الست الطيبة اللي عملوا معاها حوار قبل شهور قليلة وقالولها انتي دخلك كام؟فقالتلهم
ستين جنية في الشهر قالولها بس وانتي عايشة راضية بستين جنية في الشهر فقالتلهم ودا نص كلامها
اصل النبي عليه الصلاة والسلام كان قنوع كان بيرضى باي حاجة عشان ما يكسرش بقلوبنا
مع انه كان يقدر ياكل من الجنة لكن رفض وقال اكل مع امتي لما نتقابل كلنا في الجنة الحب
كان من النبي للناس كلها حتى اللي مخالفينه في العقيدةلدرجة ان المسلم لو ظلم كافر
ايام النبي صلى الله عليه وسلم كان يروح الكافر للنبي وهو عارف انوا النبي حياخد له حقه اللي يحب ما يعرف يظلم
الحب اللي كان العصاة مهما كان ذنبهم ما يتكسفوش من النبي وما يخبوش عليه ويروحوا يفضضوا
ويشتكوا له احنا غلطنا الغلطة الكبيرة دي شوف لنا حل في نفسنا وهما عارفين انوا صدره واسع وحيقدر بشريتهم وضعفهم








الحب نشروا حتى في الجمادات والحيوانات لدرجة ان الشاة المسمومة نطقت وقالتلوا اوعى تاكلوني لحسن تتأذي
رسالة حب من الفنان خالد صالح للنبي ... اتعلمنا منها ان الانسان نفسه محتاج للحب
وحاجات كتير حتظهر في قلبي وحاحس بيها وخير كثير حيتولد في قلبي بالحب دا ...
عشان تلاقي الحب دور على الجمال لقيت الجمال حتلاقي الحب ومعاه السعادة ..
دور على الجمال اللي في البشر وفي كل شئ من مقتنياتك اللي ربنا اعطاك عشان تعرف تحب وتسعد وتكون البيوت متماسكة مع كل المصاعب ..
الحب اللي موجود بيني وبين ربي يخليني اثبت واخلص لربي... حسامح نفسي واعيش في سلام مع نفسي عشان اعرف احب
في ناس كتيرة عايزة تعرف ازاي تحب؟
تبدأ بحب النبي اللي بيحب النبي بصدق بيشوف الدنيا بنظرة نبوية ويشوف الدنيا بعيون النبي صلى الله عليه وسلم وتحلو الدنيا في عنيه





قالوا عنه ....
السيدة عائشة رضي الله عنها ...
ما ضرب رسول الله صلى الله عليه وسلم شيئاً بيده لا امرأة ولا خادم الا ان يجاهد في سبيل الله(لم الضرب بيفقد الحب وينهيه) ...
وما خير النبي صلى الله عليه وسلم بين امرين الا اختار ايسرهما مالم يكن اثم فان كان اثم فكان ابعد الناس عنه
( هذا من حبه لامته لانه يريد اليسر لهم) .. قالت عن صلاته في رمضان انه كان يصلي 11 ركعة فلا تسأل عن حسنهن وطولهن
.(هذا دليل لحبه لربه ومتعته بوجوده بين يديه )..
سيدنا علي رضي الله عنه ... لما تسأل عن مجلس النبي في حديث طويل ... فقال اذا انتهى الى قوم جلس حيث انتهى به القوم
(عشان ما يفرق بين احد.. الفرقة بتشيل الحب ) يعطي كل جلسائه بنصيبه فيظن جليسه انه احب الناس اليه ...
لا يرد النبي السائل الا بميسور من القول .. حتى صار لهم اباً واختم بقول سيدنا علي ..
انه كان صلى الله عليه وسلم دائم البشر (لان كل حاجة بتحصل اختيار ربنا حبيبه ) وكان سهل الخلق لا يذم احداً ولا يعيره ...
صلى الله على محمد صلى الله عليه وسلم

ولمن احب تتر البرنامج

يمكن تحميله من هنا

mediafire.com ?dezgzxnym0z
الرجوع الى أعلى الصفحة اذهب الى الأسفل
http://labayou.yoo7.com
 
جمــــيع ╣۩مصطفــــى(قصة حــــب) حسنــــي ۩╠حلقــــات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ثناوية بلحرش البشير :: القنوات التلفزيونية :: مشاهدي القنوات الدينية-
انتقل الى: